علاقات خطرة

علاقات خطرة

مُمكن تكون أعقد حاجة في الدنيا هي العلاقات بين البشر.. مش بس أعقد.. لا.. هي كمان أخطر، وطبعًا أصعب.. العلاقات بين البشر زي ما هي أحد الأسباب المهمة للسع...

DownloadRead Online
Title:علاقات خطرة
Author:د. محمد طه
Rating:
Edition Language:Arabic
Format Type:Paperback
Number of Pages:272 pages

علاقات خطرة Reviews

  • Mohammed Mohammed
    Dec 18, 2016

    في بعض الكتب بعتبرها كتب شخصية ما ينفعش حد يستلفها, لأني بعيش فيها نفسي وبكتب فيها الخواطر والتعليقات بتاعتي و الحاجات اللي لمست معايا.

    كتاب #علاقات_خطرة من الكتب ديه وكتاب #الخروج_عن_النص, يعني تعيش معاه وتشوف هيلمس معاك في ايه واكتب خواطرك فيه.

    انتهيت من الكتاب إمبارح

    وديه شوية ملاحظات حابب أشارك بيها :-

    - في حاجة انا مقتنع بيها جدا, انك لما تلاقي حد متخصص بيقولك على خلاصة ما ينفعش تسمعها او تقراها وتمر عليها مرور الكرام وخلاص, هتحتاج تتأمل فيها, لأنه بناءا على خبرته هو شاف ان النقط ديه في غاية ال

    في بعض الكتب بعتبرها كتب شخصية ما ينفعش حد يستلفها, لأني بعيش فيها نفسي وبكتب فيها الخواطر والتعليقات بتاعتي و الحاجات اللي لمست معايا.

    كتاب #علاقات_خطرة من الكتب ديه وكتاب #الخروج_عن_النص, يعني تعيش معاه وتشوف هيلمس معاك في ايه واكتب خواطرك فيه.

    انتهيت من الكتاب إمبارح

    وديه شوية ملاحظات حابب أشارك بيها :-

    - في حاجة انا مقتنع بيها جدا, انك لما تلاقي حد متخصص بيقولك على خلاصة ما ينفعش تسمعها او تقراها وتمر عليها مرور الكرام وخلاص, هتحتاج تتأمل فيها, لأنه بناءا على خبرته هو شاف ان النقط ديه في غاية الأهمية, وبسطتها عشان توصل بسهولة, فما ينفعش تقراها وخلاص, للوهلة الأولى هتعتقد ان الفكرة وصلتلك, لكن مع تأملها هتلاقيها بتخش في حتت تانية.

    - خلي معاك نسختك الشخصية لانه من الكتب اللي هتحب ترجعلها كل شوية, تعيد بعض المفاهيم فيه, وتكتب خواطرك فيها.

    - لو الكتاب عجبك لو تقدر تشتري نسخ وتديها لزمايلك او تدلهم على الكتاب هيكون مهم جدا, طريقة د:محمد في توصيل أفكار معقدة وعميقة جدا بسهولة وببساطة عملية مش سهلة فعلا والناس اللي بتقرا في المجال ده عارفين ان كتير من الكتب بتكون معقدة ومصطلحتها احيانا صعب انها تتفهم.

    - السبب التاني اللي يخليك تدل الناس على الكتاب اننا في الوقت الحالي بسبب كثرة ان أي حد يتكلم في اي حاجة وينصح اي نصيحة وخلاص وكله هري في هري, الناس فقدت الثقة , وفي نفس الوقت عندنا جوع داخلي ان حد يرشدنا, فبشوف ان من الواجب انك لما تلاقي حد محترم وفاهم ومتخصص ونيته الحقيقة انه يساعد لازم - مش اختيار- تدل الناس عليه.

    - اكتر حاجة لفتت نظري, ان الجزء الاكبر من الكتاب مركز على علاقة الواحد بنفسه,وديه اهم علاقة بصراحة , لان الواحد كل ما وعية زاد بنفسه وفهمها, بشكل كبير هيعرف يعمل علاقات كويسة مع اللي حوالية.

    - أكتر الفصول اللي لسمت معايا وكتبت جنبها اني لازم أرجع أقراها تاني

    *اسمع جسمك

    * كرباج(لازم)وحبل(المفروض)

    *قبول الموت ( موضوع الفصل خلاني في حالة مش فاهمني, اول مرة ابص للموضع كده)

    * الصندوق

    * العلاقة الجنسية.( فعلا الفاهيم اللي فيه عكس اللي عرفناها في الواقع ومقتنعين بيها)

    * العلاقة الحقيقة.

    - من أكتر الحاجات اللي هتلاحظها بعد الانتهاء من الكتاب ان تعاملك مع الناس خاصة اللي بتتخنق منهم ومش طايقهم وعارف انهم عندهم مشاكل, ان في عز ضيقتك وخنقتك هتلاقي في حاجة بتحاول تعذرهم, لانهم برده غلبانين.

    - النقطة الاخيرة ديه خاصة بطباعة الكتاب نفسه و #تويا, فكرة ان الكتاب يطبع بالسعر ده في الوقت ده وان الناس تفكر في فكرة طبعة شعبية عشان الناس تستفاد, من وجهة نظري ان دول ناس فعلا عندهم ورسالة وبيحالوا فعلا يساعدوا ويوصلوا للناس, انا فعلا بحترمهم جدا.

    أخيرا في اقتراحين:

    - ياريت يكون في اخر كل فصل ورقة او اتنين وش وضهر فاضيين, يكون مكتوب فوق , افكار ومشاعر عن الفصل, عشان الواحد هيحتاج يكتب خواطرة واللي لمس معاه.

    - حاجة تانية كتيرلما بنقعد نتكلم مع زمايلنا فيكون السؤال طيب امتى اعرف اني محتاج ان اروح لأخصائي او دكتور او اقد اتابع نفسي بنفسي. فياريت يا دكتور تكون في حاجة نقدر من خلالها الواحد يعرف هل في الحالات ديه محتاج متاعبه اخصائي او لو هيبتاع مع نفسة يبدأ منين.

    وبجد كلمة شكرا قليلة على حضرتك, فبنقولك جزاكم الله خيرا Dr. Mohamed Taha

    وشكرا جدا جدا جدا أ: هاله البشبيشي على المجهود الكبيييييييير.

    وشكرا

    Toya Book Store& Art Space

    :)

  • منى جابر
    Dec 18, 2016

    علاقات خطرة

    من الكتب الصديقة ، اللى فيها ونس ، و اللى تحسن انك رايح تقابلها مش تقرأها . الكتاب مش للقراءة السريعة هو محتاجة قاعدة و كوباية شاى .

    على المستوى المهنى : د. محمد طة من الدكاترا الشباب اللى قدروا يعملوا حاجة محدش بيعملها غير الدكاترا الكبار و اللى احنا كمتخصصين بنسميهم رموز علم النفس و هى انه قدر يجمعنا كأخصائيين نفسيين عشان نتناقش فى كتاب و نحاول نفهم و نحلل و نسمع بعض و نقبل وجهات نظر بعض من غير نفسنا أو خناق . قدر يخلينا نعيد قرأءة حاجات كثير مرت علينا على انها عادى لكن طلعت مش عاد

    علاقات خطرة

    من الكتب الصديقة ، اللى فيها ونس ، و اللى تحسن انك رايح تقابلها مش تقرأها . الكتاب مش للقراءة السريعة هو محتاجة قاعدة و كوباية شاى .

    على المستوى المهنى : د. محمد طة من الدكاترا الشباب اللى قدروا يعملوا حاجة محدش بيعملها غير الدكاترا الكبار و اللى احنا كمتخصصين بنسميهم رموز علم النفس و هى انه قدر يجمعنا كأخصائيين نفسيين عشان نتناقش فى كتاب و نحاول نفهم و نحلل و نسمع بعض و نقبل وجهات نظر بعض من غير نفسنا أو خناق . قدر يخلينا نعيد قرأءة حاجات كثير مرت علينا على انها عادى لكن طلعت مش عادى .

    بشكل شخصى الكتاب ساعدنى الاقى آجابات لأسئلة كانت مركونة على الرف .

    من مميزات الكتاب :

    أنه هيساعدك تفهم نفسك اولاً و مش هتخاف من المواجهة ( مواجهة نفسك ) لان الكتاب بيحترم أنسانية القارئ .

    أنه هيخليك تسامح نفسك على بعض الحاجات اللى عملتها فى نفسك و فى الناس اللى حواليك .

    هيساعدك أنك نشوف الناس اللى أذتك فى حياتك بصورة رحيمة شوية غير اللى خيالك رسمها ليهم و دا مايمنعش انك تحافظ على حدودك على فكرة .

    هتلاقى كمية أفكار سلبية أختفت من دماغك تلقائى دون جهد أو معاناة لكن هتلاقى أسئلة كثير محتاجة أجابات أو محتاجة حد تتكلم معاه فيها و دا اللى أكده الكاتب فى الكتاب أنك ماتبخلش على نفسك لو أحتجت تستشير طبيب أو معالج نفسى .

    الكتاب محتاجة قراءة اكثر من مرة لان الكلام بيدخل الدماغ و يتحول لجلسات علاج نفسى ذاتى و كل ما هتخلص جلسة هتدخل للتانية .

    بشكر الكاتب د. محمد طه و بشكر دار تويا للنشر على انها ساعدتنا نتعرف على فكر دكتور مبدع زى د.محمد .

  • رفيدة السملاوي
    Dec 21, 2016

    احترس، الكتاب يعريك أمام نفسك

  • zahraa esmaile
    Jan 06, 2017

    كتاب جديد لكاتب مميز جدا

    كتاب طب نفسى باسلوب بسيط كعادة د.محمد

    وعلى نهج كتاب الخروج عن النص كان المنهج

    بس زاد انه اكثر عمقاً وتحديدا

    وشوية بيضغط ع الجروح النفسية اكتر

    كتاب على قول د.محمد ف المقدمة تقرأه لوحدك وعلى مهل

    لان جرعاته النفسية عالية جدا ودة الى خلاه اخد وقت زيادة معايا

    عجبنى جداااااااا تقسيم الكتاب لانه ع المدى البعيد هيسهل عليا الرجوع لمعلومة او اعالج شئ ما ف المستقبل

    واستفدت وبشدة من اغلب فصوله

    ولكن

    يشوب الكتاب بعض التكرار الى ممكن يكون من وجهة نظر البعض مهم ولكن من وجهة نظرى انا كان ممل

    كمان

    كتاب جديد لكاتب مميز جدا

    كتاب طب نفسى باسلوب بسيط كعادة د.محمد

    وعلى نهج كتاب الخروج عن النص كان المنهج

    بس زاد انه اكثر عمقاً وتحديدا

    وشوية بيضغط ع الجروح النفسية اكتر

    كتاب على قول د.محمد ف المقدمة تقرأه لوحدك وعلى مهل

    لان جرعاته النفسية عالية جدا ودة الى خلاه اخد وقت زيادة معايا

    عجبنى جداااااااا تقسيم الكتاب لانه ع المدى البعيد هيسهل عليا الرجوع لمعلومة او اعالج شئ ما ف المستقبل

    واستفدت وبشدة من اغلب فصوله

    ولكن

    يشوب الكتاب بعض التكرار الى ممكن يكون من وجهة نظر البعض مهم ولكن من وجهة نظرى انا كان ممل

    كمان بعض المواضيع مكررة

    ثلاثة نجوم

    وكتاب مهم اى حد يقرأه

    انتهى الرفيو

    #الكتاب_رقم_1_لسنة_2017

    #كتاب_طب_نفسى

    #كتاب_اانصح_به

  • Yora Adel
    Dec 26, 2016

    "احنا غلابه اوي" .... اصدق كلمة اتقالت في الكتاب ✋

  • Nahla Elhawashi
    Feb 07, 2017

    كتاب سينمائي ..بيخليك تشوف صور حياتك قدامك حتى الحاجات اللي عمرك ما أفتكرتها وتخيلت إنك نسيتها... بيخليك تشوف كل اللي عرفتهم أوضح ...بيوجع قلبك وفي نفس الوقت بيفتح جواك طاقه نور... كتاب ترجعله كل ما تحتاج إيد تساعدك وتطبطب عليك.

  • Ehab Fathy
    Jan 06, 2017

    أول كتاب أشترية عام 2017 وثانى كتاب أقراة بعد لغة الجسد لآلن بييز

    عرفت الكتاب قدرا من منافسة فى الفيس بوك عملتها دار ألف وكان فى التصفية النهائية هو وكتاب فرعون ذو الأوتاد

    وطبعا أخترت فرعون ذو الأوتاد لأنه الكتاب اللى أعرفة بس عملت الصح وأشتريت الكتاب اللى فى 4 شهور وصل لخط النهاية مع كتاب فى السوق من 12شهر

    وكانت نعم المفاجئة السارة لأن الكتاب موضوعة هو من أجمل وأمتع المواضيع الى قلبى (علم النفس ) فى أبسط صورة وارق شروحاته وأخف تعريفاته

    سبق لى قراءة محاولة رائعة ماتعة فى نفس المجال وهو كتاب العلام

    أول كتاب أشترية عام 2017 وثانى كتاب أقراة بعد لغة الجسد لآلن بييز

    عرفت الكتاب قدرا من منافسة فى الفيس بوك عملتها دار ألف وكان فى التصفية النهائية هو وكتاب فرعون ذو الأوتاد

    وطبعا أخترت فرعون ذو الأوتاد لأنه الكتاب اللى أعرفة بس عملت الصح وأشتريت الكتاب اللى فى 4 شهور وصل لخط النهاية مع كتاب فى السوق من 12شهر

    وكانت نعم المفاجئة السارة لأن الكتاب موضوعة هو من أجمل وأمتع المواضيع الى قلبى (علم النفس ) فى أبسط صورة وارق شروحاته وأخف تعريفاته

    سبق لى قراءة محاولة رائعة ماتعة فى نفس المجال وهو كتاب العلامة الدكتور عادل صادق مباريات سيكولوجية

    وهو محاولة لتبسيط مفاهيم علم النفس وعلاقات البشر ببعض

    ولحسن الحظ فالكتاب ده هاأعتبرة تبسيط التبسيط لكتاب مباريات سيكولوجية لأنه بلسان عام ممتع يصل لقلوب أبسط العقول وبصراحة التجربة ده مش وحشه وتحترم لأنى سبق لى أيضا ورات وقرأت مقاطع من الأنجيل مكتوبة بلسان عامى جنوبى يناسب أهل القرى والنجوع

    ===

    ملحوظة سريعة وشكر وتقدير لدار تويا على جودة السعر والطبعة : من سرعة حبى وتعلقى بالكتاب جعلت أثنان من أصدقائى يشتروه ثانى يوم لقرائتى له لأنه فعلا كتاب روشته سعادة وأتمنى من كل واحد يخلى 2أو3 من أصحابة يشتروه لانه بصراحة مش بفلوس خالص مجرد 45 جنيه مش محصل نص سعر واجبة كومبو من ماك أمام الفائدة النفسية والروحية اللى ممكن تتحصل منه ولدعم ومساعدة هذا العلم العلمى لنشر المزيد من علمه

    ---

    تشرفت جدا بأول لقاء لى فى 2017 وهو الدكتور محمد طه من خلال كتابة القيم - فإكتشافى لهذا الرجل الكوكب أتم لى يقينى بمقولتى بأننى فعلا كلما أزدت قراءة كلما أزدت يقين بأنى جاهل ولم أعلم سوى القليل

    عايش من عمرى 37 سنه وعامل فيه قارئ وفلوط ومثقف وما أكتشفش رجل بهذا العلم الا فى سنى هذا

    فكل العذر لك ولعلمك سيدى الجليل

    ===

    الكتاب محاولة مخلصة لتبسيط علم النفس فى أبسط مثل ليتناسب مع أقل فئة فكرية ويمكن أعتبارة من كتب التنمية البشرية لأنه بيعالج كثير من الأفكار السلبية ويصحح كثير من المعتقدات التى ترسخت لنا عبر أجيال وأجيال من النسخ والمسخ لأنفسنا

    وأجمل جزء عجبنى جدا وهو روشتة تعامل البشر مع بعض هو جزء

    التلاتة إللى جواك وكمان أتبسط جدا لما لقيت على صفحة حضرتك فى الفيس فيديو فى مكتبة الأسكندرية لنفس الموضوع

    بكل فخرو حب أقتبست أقتباسات كثيرة من الكتاب ووضعتها فى الفيس بوك على صفحتى تحت هاشتاج #تنمية_بشرية

    ولاقت قبول أستحسان فئات كثيرة بفضل الله لأنها فعلا معلومات مبسطة وفيها أخلاص وحب للعلم وأفادة الناس

    =====

    شكر الله لك مجهود الطيب وأحسانك لعلم معلمك وجعله الله فى ميزان حسناتكما

    شكرا سيدى الفاضل د / محمد طه

    =====

    ملحوظة أخيرة

    كنت أتمنى من د محمد طه أنه بالنسبة لجزء علاقات خطرة بالكتاب يتفضل فى النسخ القادمة بزيادة أمثلة حياتية للعلاقات دى يعنى يضرب مثل مع كل علاقة ويا سلام لو يكون المثل ده قصة تاريخية حصلت فعلا هايبقى عمل زى روبرت جرين فى كتبه التى تجمع بين العلم والقصص التاريخى الداعم للعلم

    وكمان بعد أذنك كل شخصية من دول ياريت تشرح سبب حدوث هذه العله لها وهى تبع أى مرض يعنى مثلا علاقة كبش الفدا ده عنده كده مرض نفسى ايه

    والأهم من كل ده أن حضرتك مختصر أوى فى التعامل مع الشخصيات فى نطاق أبعد عن الشخصية ده

    ودية للدكتور

    ساعدة

    فكنت أتمنى تفصل طريقة التعامل معاه ولو بأمثلة وشكررررررررررررررا

  • Yomna Zaki
    Jan 05, 2017

    تانى كتاب أقرأه لدكتور محمد طه

    استمتعت واتونِّست بيه .. كتاب تحسه مكتوب من القلب فعلاً لمساعدة الناس إنهم مش بس يفهموا نفسهم، لأ وكمان إزاى يلتمسوا الأعذار لأكتر ناس ممكن يكونوا دمروهم

    مع إن هدف الكتاب التبسيط، عاجبنى إنه أكتر من مرة ذكر إن تفسير بعض الأمراض أو التصرفات ممكن يبقى معقَّد أكتر من الكلام اللى هو قاله بس من غير ما يدخل فى تفاصيل ممكن متهمِّش القارئ اللى مش متخصص .. فبكدة مضحكش على القارئ وأوهمه إن التفسير اللى هو كتبه هو الحقيقة الوحيدة .. احترمت إحترامه لعقل القارئ

    الكتاب مش بس بيتكلم

    تانى كتاب أقرأه لدكتور محمد طه

    استمتعت واتونِّست بيه .. كتاب تحسه مكتوب من القلب فعلاً لمساعدة الناس إنهم مش بس يفهموا نفسهم، لأ وكمان إزاى يلتمسوا الأعذار لأكتر ناس ممكن يكونوا دمروهم

    مع إن هدف الكتاب التبسيط، عاجبنى إنه أكتر من مرة ذكر إن تفسير بعض الأمراض أو التصرفات ممكن يبقى معقَّد أكتر من الكلام اللى هو قاله بس من غير ما يدخل فى تفاصيل ممكن متهمِّش القارئ اللى مش متخصص .. فبكدة مضحكش على القارئ وأوهمه إن التفسير اللى هو كتبه هو الحقيقة الوحيدة .. احترمت إحترامه لعقل القارئ

    الكتاب مش بس بيتكلم عن علاقات الحب، لأ ده بيتكلم عن كل أنواع العلاقات: علاقتنا بأهالينا، وعلاقتنا بالمجتمع، علاقتنا بالناس، وأهم علاقة: علاقتنا مع نفسنا.

    وأهم جملة قالها الدكتور فى الكتاب هى: إحنا غلابة أوى

  • Ahmed Nabil
    Jan 06, 2017

    لو ينفع أكثر من 5 نجوم كنت اديتها للكتاب ده والله

  • Dina Gamal
    Feb 01, 2017

    أول كتاب اقرأه لدكتور محمد طه

    أتونست جدا بالكتاب .. الكتاب مبسط جدا وكل الموضوعات اللي بتتناقش فيه مبسطه وبتحترم فكر القارئ

    درست الحيل الدفاعية لكن أول مرة أشوفها بمنظور مختلف واسقاطات بتنور في العلاقات الإنسانية المعقدة

    الكتاب يعتبر مرايه للنفس

    د محمد كان بيدعي (( اللهم أرنا الأشياء كما هي ))

    الكتاب مراية بنشوف بيها الأشياء كما هي